У Нью-Ёрку прайшоў Марш паняволеных народаў з удзелам беларусаў

У нядзелю, 17 ліпеня 2016, у Нью Ёрку адбыўся Марш Паняволеных Народаў — акцыя салідарнасьці з народамі, якія апынуліся пад прыгнётам.

Пачынаючы ад 1959 году, Марш Паняволеных Народаў адкрывае мерапрыемствы Тыдня Паняволеных Народаў, які быў створаны, каб зьвяртаць увагу амэрыканскага грамадства на становішча народаў, што паняволеныя камуністычнымі, а цяпер пост-камуністычнымі ды кожнымі іншымі тыраніямі й дыктатурамі, паведамляе «Радыё Свабода».

У Маршы традыцыйна бяруць удзел прадстаўнікі Згуртаваньня «Пагоня» й беларускай грамады Амэрыкі. Марш сёлета прайшоў цэнтральнымі вуліцамі Нью-Ёрка.