Саўка ды Грышка пра «фрау А» і «Белы Легіён»

Чаму рассыпалася «справа патрыетаў».

Героі Лявона Вольскага абмяркоўваюць у этэры «Радыё Свабода» гісторыю з арыштамі беларусаў, якая нібыта пачалася зь ліста «фрау А» і скончылася пшыкам.

Саўка:

Кагда-та фрау А

Прамолвіла слава:

«Ад церарыстаў ў вас прадыху нету».

Грышка:

Дзе А, дык там і Б.

Адразу КГБ

Хапун усчаў са сьледчым камітэтам.

І пачалі вязаць -

Ня два, ня тры, ня пяць -

Аж трыццаць пяць хлапцоў пазачынялі.

Саўка:

Ну да, а как жа так,

Ані жа у лясах

Усе баевікоў трэніравалі.

Грышка:

Пра гэта ўсё табе

Крычалі па ТБ,

Пісалі ў «Беларусіі савецкай».

Саўка:

Всё паказалі нам -

Взрыўчатку і напалм.

Карочэ, была страшна не па-дзецкі.

Грышка:

І вось мінае год,

Уключаюць «задні ход»

Нясьпешна, нетаропка, despacito...

Саўка:

Ня знаю, грэх ці сьмех,

Но выпусьцілі ўсех.

Гавораць: «Все свабодны, ўсем спасіба».