Івонка Сурвіла выступiць у Нью-Ёрку з нагоды 100-х угодак БНР

24-га сакавіка беларусы Нью-Ёрку і навакольляў зьбіраюцца разам, каб урачыста адзначыць 100-я ўгодкі абвяшчэньня незалежнасьці БНР.

Сьвяточнае мерапрыемства адбудзецца 24-га сакавіка (субота) 2018 г. у 4W43 Building – SOCIAL HALL па адрэсе 4 West 43rd Street, New York, NY 10017, паведамляе Рада БНР у «Фэйсбуку».

Вашай увазе прапануецца папярэдняя праґрама мерапрыемства:

12:00 Рэґістрацыя

• Буфэт са стравамі нацыянальнай беларускай кухні

• Кірмаш беларускіх сувэніраў да стагодзьдзя БНР

• Выстава гістарычных дакумэнтаў, кніг, пэрыёдыкі, фатаґрафій, твораў мастацтва і іншых артэфактаў

1:00 Афіцыйнае адкрыцьцё

• Прывітальныя словы Старшыні Рады БНР Івонкі Сурвілы

• Прывітальныя словы першага амбасадара ЗША ў Рэспубліцы Беларусь Дэвіда Суорца

• Віншаваньні з Днём Волі ад сяброўскіх арґанізацый і беларусаў сьвету

• Даклад доктара гістарычных навук, прафэсара Інстытуту славістыкі Польскай акадэміі навук Алеся Смалянчука “Ад беларускай ідэі да БНР”

• Даклад прафэсара Wartburg College (Аёва), выканаўчага дырэктара Цэнтра беларускіх дасьледаваньняў (Канзас) Паўліны Сурвілы “Сучаснае значэньне БНР для беларускай ідэнтычнасьці”

2:30 Кава-паўза

Сьвяточная віктарына і лятэрэя з падарункамі

3:00 Культурная праґрама

• Канцэрт

• Гуляньні з народнымі беларускімі сьпевамі і танцамі

Уваход: $38 даляраў (у дзень мерапрыемства – $50), дзеткам бясплатна. У кошт квітка ўключаны ежа і напоі.