Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Беларускі гурт Re1ikt стане хэдлайнерам фестывалю ў Польшчы

25.07.2018 культура
Беларускі гурт Re1ikt стане хэдлайнерам фестывалю ў Польшчы

Фестываль Rockowisko Hajnowka пройдзе ў Польшчы 28 ліпеня.

Сярод хэдлайнераў 10-га юбілейнага фэсту – беларускі world rock гурт Re1ikt. Сёлета разам з Re1ikt на фэсце выступяць вядомыя польскія гурты Cochise, De Łindows, Materia, Farben Lehre ды іншыя, паведамляе «Радыё Рацыя».

Фестываль Rockowisko праводзіцца ў парку ў цэнтры мястэчка Гайнаўка з 2008 года. Яго арганізуюць дзеячы з мясцовага Музея і асяродку беларускай культуры, каб узнавіць музычную рок-атмасферу мястэчка ў 80-90-я гады.

Акрамя канцэртнай праграмы на Rockowisko Hajnowka традыцыйна адбываецца музычны конкурс сярод маладых рок-гуртоў. Але сёлета на юбілейным фэсце конкурснай часткі не будзе.

Дарэчы, гурт Re1ikt паставіў рэкорд фестывалю па ўзнагародах у конкурснай праграме ў 2013 годзе, атрымаўшы Гран-пры і Прыз глядацкіх сімпатый. Галоўны прыз уручаў асабіста мэр Гайнаўкі. А ў 2014 годзе Re1ikt ўжо выступіў на сцэне Rockowisko у якасці гасцей.

Наступны выступ гурта Re1ikt у Менску адбудзецца ў Карэтным дворыку (вул. Кірыла і Мефодзія, 8) падчас святкавання Дня горада 8 верасня. Пачатак: 20:30. Уваход на імпрэзу вольны.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]