Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Зянон Пазьняк выдаў кнігу «Краявід перад нізінай»

07.11.2018 культура
Зянон Пазьняк выдаў кнігу «Краявід перад нізінай»

Тэксты прысьвечаныя небясьпечным зьявам і працэсам для існаваньня нацыі, культуры і цывілізацыі.

У кастрычніку выйшла новая кніга Зянона Пазьняка «Краявід перад нізінай». На 240 старонках – выбраная публіцыстыка, падабраная тэматычна, паведамляе «Радыё Свабода».

Тэксты прысьвечаныя небясьпечным зьявам і працэсам для існаваньня нацыі, культуры і цывілізацыі. Таксама адлюстраваныя тэмы аб станоўчых чыньніках разьвіцьця.

Пазьняк піша пра цывілізацыйныя зьмены і сувязь іх з ідэалёгіяй, кіруемыя, на яго думку, працэсы, арыентаваныя на разбурэньне асобы чалавека хрысьціянскага тыпу і на зьмяненьне карціны сьвету.

«Звычайна гэта адбітак дзейнасьці лявацтва і маргінальных агрэсіўных груп. Таксама можа быць вынікам акупацыйнай палітыкі, накіраванай на вынішчэньне нацыі і культуры», – піша ў прадмове аўтар.

Паводле яго, на сёньняшні дзень тое, што яшчэ ў палове ХХ-га стагодзьдзя было «несуцяшальным папярэджаньнем, цяпер стала рэальнасьцю, ідэалёгіяй дэградацыі асобы».

На думку Зянона Пазьняка, ужо склалася абумоўленая сыстэма гэтай дэградацыі, якая закранула істотныя сфэры сацыяльнага і маральнага жыцьця грамадзтва.

«Існуюць даволі пэсымістычныя прагнозы будучыні, заснаваныя на статыстыцы і дасьледаваньнях. Давер да такіх прагнозаў невялікі, бо ніхто ня можа прадбачыць зьменлівасьць супраціву зьменлівым абставінам. Але тэндэнцыя існуе і ўплывае на паніжэньне», – мяркуе аўтар.

Прэзэнтацыя кнігі адбудзецца ў Нью-Ёрку ў лістападзе і ў пачатку 2019 года – у Варшаве.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]