Як 100 гадоў таму Фінляндыя прызнала незалежнасць Беларусі

Рада БНР апублікавала тэлеграму Антона Луцкевіча.

100 гадоў таму Фінляндыя прызнала незалежнасць Беларусі. Пра гэта паведаміла Рада Беларускай Народнай Рэспублікі:

«28 сьнежня 1919 г. прыйшло паведамленьне аб прызнаньні Фінляндыяй незалежнасьці Беларусі.

Антон Луцкевіч з Варшавы тэлеграфаваў пра гэта прафэсару Міколу Верамею (Вяршыніну), консулу БНР у Чэхаславаччыне:

«Naš pradstaŭnik [u] Łatvii telehrafuje [pra] pryznańnie niezaležnaści Biełarusi Kanferencyjaj [u] Dorpacie [i] Finlandyjaj.

Łuckievič»

Фінляндыя надала Беларускай Народнай Рэспубліцы поўнае афіцыйнае прызнаньне. Дыпляматычную місію Беларусі ў Фінляндыі ўзначальваў генэрал Алег Васількоўскі».