У Менску развiталiся з Васілём Сёмухам

Перакладчыка пахавалi пад бел-чырвона-белым сцягам.

Разьвітаньне зь перакладчыкам Васілём Сёмухам, які памёр 3 лютага ва ўзросьце 83 гадоў, прайшло у рытуальнай залі на вуліцы Альшэўскага ў Менску, паведмаляе «Радыё Свабода».

Васіль Сёмуха — беларускі перакладчык зь нямецкай, польскай, латыскай, лацінскай, гішпанскай, нарвэскай, армянскай, украінскай ды іншых моваў сьвету. Ён зрабіў пераклад Бібліі на беларускую мову, які выкарыстоўваецца ў набажэнствах розных хрысьціянскіх канфэсіяў.