Актывісты заклікаюць грамадзян пры перапісе назваць роднай мовай беларускую

Гэта будзе сьведчаньнем адносін грамадзян да беларускай мовы.

Сёлета ў Беларусі пройдзе ўсеагульны перапіс насельніцтва. Сярод адказаў будзе й пытаньне пра родную мову.

Няўрадавая арганізацыя «АртСядзіба», якая займаецца ў тым ліку разьвіцьцём беларускай культуры, плянуе правесьці кампанію на карысьць таго, каб як мага больш грамадзян Беларусі сваёй роднай мовай назвалі менавіта беларускую, паведамляе radyjo.net.

Старшыня «АртСядзібы» Алесь Сьнег лічыць, што гэта будзе сьведчаньнем адносін грамадзян да беларускай мовы, нават калі яны на штодзень і не размаўляюць па-беларуску.