У нядзелю ўвечары людзi маліліся ў Курапатах

Каля 50 чалавек маліліся ва ўрочышчы а 19-й гадзіне 7 красавіка.

Праводзіў набажэнства пратэстанцкі сьвятар Антоній Бокун. Сярод удзельнікаў супольнай малітвы былі палітыкі Вячаслаў Сіўчык, Зьміцер Дашкевіч зь дзецьмі, актывіст Андрэй Кім з сынам ды іншыя, паведамляе «Радыё Свабода».

Пасьля таго, як улады дэмантавалі і вывезьлі больш за 70 крыжоў, усталяваных вакол месца курапацкага лесу, штодня на месца сталінскіх расстрэлаў прыходзяць неабыякавыя людзі, многія зь іх моляцца за ахвяраў сталінскіх рэпрэсій і за вяртаньне дэмантаваных крыжоў.