Дзень нараджэння арцыбіскупа Тадэвуша Кандрусевіча адзначаць супольнай малітвай

Старшыня Канферэнцыі Каталіцкіх Біскупаў у Беларусі дзякуе Богу за 74 гады жыцця.

3 студзеня Мітрапаліт Менска-Магілёўскі арцыбіскуп Тадэвуш Кандрусевіч, Старшыня Канферэнцыі Каталіцкіх Біскупаў у Беларусі, дзякуе Богу за 74 гады жыцця, піша сайт catholic.by.

З гэтай нагоды ў суботу, 4 студзеня, канонікі Менска-Магілёўскага катэдральнага капітулу збяруцца на святую Імшу.

Цэлебрацыя, якую ўзначаліць сам арцыбіскуп Тадэвуш Кандрусевіч, распачнецца ў 18.30 у менскім катэдральным касцёле Найсвяцейшага Імя Марыі (пл. Свабоды, 9).

Арцыпастыр запрашае духавенства і вернікаў далучыцца да супольнай малітвы.