«Павінны жыць»: новая песьня Ігара Варашкевіча, Лявона Вольскага i Паўла Аракеляна

Артысты падтрымалi нашых герояў.

Музыкі Павал Аракелян, Ігар Варашкевіч і Лявон Вольскі выпусьцілі песьню на верш Рыгора Барадуліна «Узятыя на сьмерць павінны жыць».

Павал Аракелян кажа, што праект нараджаўся яшчэ на «сутках», хоць ён даволі даўно напісаў музыку да гэтага верша, паведамляе tut.by.

— Заручыўшыся падтрымкай маіх калегаў, я ўсё ж вырашыў запісаць гэтую песьню. Таму што той мінімум, які цяпер мы, артысты, можам зрабіць, гэта падтрымаць нашых герояў, наш народ.

У лістападзе Аракелян адседзеў 15 сутак пасьля выступу на дваровым канцэрце ў мікрараёне Малінаўка.