Дзяніс Бондараў: Усё, што адбываецца ў Беларусі, гэта разрыў сумлення

У цэнтры Беластоку запрацавала выстава «Беларусь абуджаная».

Пра хаду рэалізацыі выставы распавёў «Радыё Рацыі» суарганізатар мерапрыемства, прадпрымальнік з Беластоку Дзяніс Бондараў:

– Хлопцы, якія з’явіліся на Беласточчыне, – яны ахвяры таго, што зараз робіцца ў Беларусі. Зараз яны дапамагаюць мантаваць гэтую выставу. Запрашаю ўсіх ахвотных. Дапамагу дамовіцца з уладальнікам гэтай выставы. І яна можа паехаць дзе-кольвек. Гэта можа быць Польшча, гэта можа быць іншая краіна, але напэўна еўрапейская.

Выстава пад адкрытым небам «Беларусь абуджаная» даступная для агляду з 26 лютага па 31 сакавіка ў цэнтры Беластоку на пляцы пры помніку маршалка Пілсудскага.