Мова — мая ахова

Разам падняцца з каленаў, разам чакаць пераменаў.

Мова — мая ахова.

Мова мая — мой Сьцяг.

Мова мая — мой Гонар.

Мова мая — мой Шлях.

Мова мая — зброя.

Мова — мая вайна.

Мова мая — мроя.

Мова — мая віна.

Мова мая — шанец.

Мова — стрэл ва ўпор.

Мова — крывавы ружанец.

Мова — дзядзька Рыгор.

Мова — мая малітва.

Мова мая — таўро.

Мова — няспынная бітва.

Бітва са злом.

На злом…

Мову маю

пад канвоем —

ў жоўты пясочак,

ў расстрэльны роў.

Мова

пад ботам маёра.

Меты на карках

маркерам карнікаў.

Меты на целахад ног мусароў…

Мова мая — вызваленьне

з карцара, з клеткі, са змроку, з турмы.

Разам

падняцца з каленаў.

Разам

чакаць пераменаў.

Мова мая — Мы.

Анатоль Івашчанка, nn.by