У Мінску памёр шматгадовы карэспандэнт «Польскага радыё» ў Беларусі Уладзімір Пац

Журналіст падтрымліваў кантакты з беларускай апазіцыяй і палякамі ў Беларусі.

У Мінску памёр шматгадовы карэспандэнт «Польскага радыё» ў Беларусі і Расіі Уладзімір Пац.

Інфармацыю аб смерці журналіста пацвердзілі ў Міністэрстве замежных спраў Польшчы.

Уладзімір Пац быў адданым журналістам і карэспандэнтам, паведамляе «Польскае радыё».

Падтрымліваў кантакты з беларускай апазіцыяй і палякамі ў Беларусі, асвятляў з мікрафонам «Польскага радыё» арганізаваныя імі ініцыятывы. Ад самага пачатку бесперапынна паведамляў аб падзеях жніўня 2020-га.

На «Польскім радыё» Уладзімір Пац пачаў працаваць на пачатку 1990-х.