У Беластоку прайшоў мітынг салiдарнасцi з Украiнай

Касцяк мітынгу склалі беларусы з плакатамі «Не вайне!»

У Беластоку прайшоў мітынг салiдарнасцi з Украiнай. Гучаў заклік працягваць аказваць дапамогу Украіне. Гучала «Слава Украіне!», паведамляе «Радыё Рацыя».

Слова з падзякай выказалi грамадзянкі Украіны, які знайшлі дапамогу ў Беластоку.

Пад музыку Чэслава Немана дэманстравалi фоташэраг кадраў з разбураных украінскіх гарадоў і мерапрыемстваў па аказанні дапамогі ўцекачам.

Адбылася хвіліна маўчання ў гонар усіх загінуўшых ва Украіне падчас расейскай агрэсіі.

У цэнтры горада каля помніка Пілсудскаму распачаўся антываенны мітынг «Беласток салідарны з Украінай», прысвечаны 2-му тыдню з дня пачатку агрэсіі Расеі на тэрыторыі Украіны.

Касцяк мітынгу склалі беларусы з плакатамі «Не вайне!» Гучаць гімны Польшчы і Украіны. Слова ўзяў Прэзідэнт Беластоку Тадэвуш Трускаляскі.