Беларусы змогуць паглядзець найноўшыя фільмы пра пра вайну ва Украіне

Праходзіць анлайан-фестываль дакументальнага кіно «1084. На мяжы».

У Беларусі праходзіць Фестываль дакументальнага кіно «1084. На мяжы». Арганізатары фэсту праводзяць яго ў жывым рэжыме ва Ўкраіне і анлайн у Беларусі.

«1084 кілямэтры — працягласьць агульнай мяжы сувэрэнных Беларусі і Ўкраіны. 1084 кілямэтры — лінія на глыбокай ране двух народаў, якую нанесьлі 24 лютага. Арганізатары фэстывалю спрабуюць задумацца пра будучыню стасункаў і бесстароньне абмеркаваць сучаснасьць, адносіны простых людзей, а таксама падтрымку беларусамі ўкраінскага народу ў барацьбе з акупантамі, а ўкраінцамі — беларусаў у барацьбе з дыктатурай і тэрорам», — пішуць арганізатары.

У афішы фестывалю – фільмы пра культуру і гісторыю Украіны, пра Данбас, пра гарады і іх жыхароў, якія перажылі акупацыю расейскіх захопнікаў. Aбірайце фільм на fest1084.org і глядзіце бясплатна і анлайн з Беларусі па промакодзе fest1084!

Сайт Charter97 публикуе інфармацыю пра найноўшыя фільмы, якія дасупны толькі для Беларусі.

«Першая лінія фронту: эвакуацыя з Ірпеня і абаронцы Харкава»

Фільм асвятляе трагічную эвакуацыю жыхароў Ірпеня ў першыя дні наступу акупантаў. Другую частку кінастужкі рэжысёр Міхал Пшедляцкі прысвяціў мужным абаронцам Харкава. Унікальныя кадры і жывыя дыялогі з людзьмі дапамогуць адчуць увесь трагізм вайны, у якой апынуліся мільёны людзей.

«Дзень украінскага добраахвотніка»

Фільм паказвае адзін дзень з жыцця эстраднага спевака, відэаінжынера, гісторыка, рэстаўратаркі, навукоўцы-палярніка і пенсіянеркі. Ім усім прыйшлося кардынальна змяніць сваё жыццё. Вы ўбачыце як вайна сюррэалістычна перамяшала месцы і людзей, стварыўшы постапакаліптычнае вымярэнне з новымі якасцямі і ролямі.

«Перамагаючы цемру»

Калейдаскоп гісторый, якія паказваюць, як украінцы мужна абараняюць сваю зямлю ад расійскага ўварвання, як мільёны людзей змагаюцца за сваё права на існаванне. Фільм распавядае пра трагедыю расійскага ўварвання ў жыцці ўкраінскіх супольнасцяў, дакументуючы рэальнасць гэтай вайны.