Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

«Купалаўцы» адкрылі доступ да ўсіх спектакляў на сваім YouTube-канале

27.03.2023 культура
«Купалаўцы» адкрылі доступ да ўсіх спектакляў на сваім YouTube-канале

На анлайн-пляцоўцы «Купалаўцаў» назбіралася пятнаццаць праектаў.

З нагоды Міжнароднага дня тэатра незалежная тэатральная група «Купалаўцы» адкрылі доступ на на сваім YouTube-канале да ўсіх пастановак.

Нагадаем, што за гэты час на анлайн-пляцоўцы «Купалаўцаў» назбіралася пятнаццаць праектаў. Ад тых самых «Тутэйшых» паводле п’есы Янкі Купалы ў пастаноўцы Мікалая Пінігіна, сыграных яшчэ ў Мінску у 2020 годзе, — да «Сфагнума» паводле твору Віктара Марціновіча, рэжысёрам якога выступіў Аляксандра Гарцуеў і прэм’ера якога адбылася на сцэне Драматычнага Тэатра ў Варшаве.

Ды яшчэ «Рамантычнасць», якую незалежная трупа рэалізавала ў варшаўскім Тэатры Польскім, тры чыткі праекта “Quo vadis?”, сыграныя ў Штутгарце ў Тэатры Рампэ, «Запіскі афіцэра Чырвонай Арміі» — Куплаўцы адыгралі гэты спектакль на фестывалі «Boska Komedia» ў Кракаве… Столькі новых сцен, гарадоў, новых выклікаў… Столькі намаганняў заставацца з гледачом, быць у часе і быць, перараджацца Тэатрам, непарыўна звязаным з Беларуссю. Гісторыя «Купалаўцаў» пішацца нягледзячы ні на што.

Сёння незалежная трупа гэтаксама павіншавала сваіх гледачоў і новым выпускам праекта «Тэатр К у горадзе М». У трэцяй частцы праекта — «Аўстэрыя» — «колішняя жыхарка літаратурнага-драматургічнага паддашка» Вольга Бабкова распавяла пра яшчэ адзін куточак тэатральнай прасторы — кавярню «тэатра «К». Кавярня таксама, як іншыя «жывыя» сцены тэатра, мае свае — цікаўныя і пяшчотныя — гісторыі.

Глядзець праекты «Купалаўцаў» можна тут.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]