Беларусы правялі ў Вільні акцыі памяці загінулых у «Ноч расстраляных паэтаў»

Каля Музэю акупацыі і барацьбы за свабоду прайшоў канцэрт з чытаньнем вершаў расстраляных паэтаў.

Беларусы правялі ў Вільні акцыі памяці загінулых у «Ноч расстраляных паэтаў». У памяць аб загінулых на Ратушнай плошчы запалілі 132 сьвечкі. Каля Музэю акупацыі і барацьбы за свабоду прайшоў канцэрт з чытаньнем вершаў расстраляных паэтаў, паведамляе «Радыё Свабода».

У ноч з 29 на 30 кастрычніка 1937 году сталінскія карнікі расстралялі больш за сотню беларускіх інтэлігентаў, дзяржаўных, культурных дзеячаў і навукоўцаў. Цяпер вядомыя імёны 132 ахвяраў.