Польскія дыпламаты наведалі ў Беларусі польскія вайсковыя могілкі і нацыянальныя мемарыялы

Свае паездкі арганізуюць таксама Генеральныя консульствы Рэспублікі Польшча ў Брэсце і Гродне.

З нагоды Дня Усіх святых і Дня незалежнасці польскія дыпламаты наведваюць польскія мемарыяльныя месцы і вайсковыя могілкі ў розных рэгіёнах Беларусі – паведаміла амбасада Польшчы ў Мінску, паведамляе «Радыё Польшча».

Сёлета пасольствам запланавана дзевяць маршрутаў у межах Мінскай консульскай акругі. Свае паездкі арганізуюць таксама Генеральныя консульствы Рэспублікі Польшча ў Брэсце і Гродне.

У аўторак польскія дыпламаты наведалі Стоўпцы, Новы Свержань, Нясьвіж і Ужанку. Другая група накіравалася на поўнач Беларусі, пад Глыбокае, Браслаў, Мёры і Відзы. У мінулыя выходныя дыпламаты прыбіралі магілы ў Налібоцкай пушчы.

Часовы павераны ў справах Рэспублікі Польшча ў Беларусі Марцін Вайцяхоўскі падкрэсліў, што «гэтыя паездкі – гэта таксама магчымасць сустрэцца з польскай меншасцю і духавенствам».

«Мы стараемся падтрымліваць кантакт з тымі, хто штодзённа апякуецца польскімі мемарыяльнымі месцамі, і дзякуем ім за гэта», – сказаў дыпламат.

Кожныя польскія могілкі ці мемарыял у Беларусі маюць сваю гісторыю і адметнасць. Некаторыя знаходзяцца ў гарадах, іншыя ў аддаленых раёнах. Некаторыя мемарыяльныя месцы застаюцца дагледжанымі і ўпарадкаванымі, іншыя пагражае быць забытымі.

Супрацоўнікі польскіх дыпламатычных місіяў у Беларусі стараюцца некалькі разоў на год наведваць месцы памяці і месцы, звязаныя з польскай гісторыяй з нагоды нацыянальных святаў і важных юбілеяў.