Беларусы Варшавы правялі марш памяці Міхаіла Жызнеўскага

Фотарэпартаж.

Беларусы Варшавы правялі марш памяці Міхаіла Жызнеўскага. Распачаўся марш мітынгам ля помніка Каперніку. Падчас мітынгу было шмат выступоўцаў. Людзі ўспаміналі загінуўшых ва Украіне і Беларусі герояў, выказвалі словы падтрымкі палітвязням і іх сем´ям, асудзілі апошнюю хвалю рэпрэсій супраць сваякоў палітвязняў, паведамляе «Радыё Рацыя».

Гаворыць арганізатар акцыі спікер беларускай асацыяцыі палітвязняў «Да волі» Алег Кулеша:

– Была прысвечана акцыя ўшанаванню памяці загінулых за свабоду Украіны і Беларусі. Не можа быць вольнай Украіна і незалежнай Беларусь паасобку. Канешне, згадалі яшчэ тыя падзеі, якія адбываліся на гэтым тыдні ў нас, на тэрыторыі Беларусі, той хапун, якія зладзіла КДБ.

Вячаслаў Сіўчык, рух салідарнасці «Разам»:

– У гэты тыдзень 10 гадоў, 22 студзеня, як яго забілі на майдане.

Скончыўся мітынг маршам па цэнтры Варшавы да Замкавай плошчы.