Дроны зладзілі масаваную атаку на тры рэгіёны РФ

Падрабязнасці.

Расейскія акупанты заявілі, што ў ноч на 3 лістапада некалькі рэгіёнаў Расеі атакавалі ўкраінскія дроны-камікадзэ.

Пад ударам апынуліся Растоўская, Валгаградская і Белгародская вобласці. Пра гэта паведамілі ў Мінабароны Расеі, піша "Обозреватель".

Акупанты сцвярджаюць, што 16 БПЛА нібыта збілі над тэрыторыяй Растоўскай вобласці, два - над тэрыторыяй Белгародскай вобласці і адзін - над тэрыторыяй Валгаградскай вобласці.

Губернатар Растоўскай вобласці Васіль Голубеў паскардзіўся, што выбухі прагрымелі ў Навашахцінску, Каменску і Усць-Данецкім раёне. Чыноўнік сцвярджае, што пацярпелых і пашкоджанняў на зямлі няма.