Галівуд пра Беларусь

На Захадзе прыдумалі сцэнар забойства беларускага прэзідэнта. Гаворка ідзе пра сцэнар чарговага фільму серыялу «Нікіта». Дзеянне пятай серыі другога сезону аўтары перанеслі ў нашу краіну -- такую, якой яны яе бачаць. Дэтэктыўная серыя распавядае пра тое, як Беларуссю пачынае кіраваць двайнік забітага прэзідэнта. ФРАГМЕНТ СЕРЫЯЛУ «НІКІТА»: «Пасля 6 гадоў стабільнасці беларускі прэзідэнт Авечкін абвясціў пра ўвядзенне ваеннага становішча ў краіне». Падстаўны кіраўнік краіны пачынае пазбаўляцца ўсіх, хто ведае, што ён несапраўдны прэзідэнт. Кіношны прэзідэнт мае пазашлюбнага нашчадка Макса. ФРАГМЕНТ СЕРЫЯЛУ «НІКІТА»: «Я напрацоўваю спадчыну для свайго сына». Што ж, вельмі нешта нагадвае. Вось толькі такі бел-чырвона-белы сцяг над рэзідэнцыяй беларускага прэзідэнта можна пабачыць выключна ў кіно. Вольга Старасціна, «Аб'ектыў»