Багданкевіч: Таленавітыя беларусы знойдуць выйсце

У Беларусі пачала дзеяць пастанова Нацбанку, паводле якой пры продажы замежнай валюты патрабуюць дакументы, якія сведчаць пра асобу. У аддзеле інфармацыі галоўнага банку краіны патлумачылі, што да такіх дакументаў адносяцца пашпарт грамадзяніна Беларусі, від на жыхарства ў Рэспубліцы Беларусь, пасведчанне бежанца і пашпарт грамадзяніна замежнай дзяржавы. Паводле Станіслава Багданкевіча -- гэта не што іншае, як прыкмета спробы пабудаваць мадэль паліцэйскай дзяржавы, дзе кантралюцце абсалютна ўсё -- ад палітычных партыяў да асобных грамадзянаў.