Новае прызначэнне ў Адміністрацыю

11-га дня 11-га месяца 11-га года. Магічнай пятніцы чакаў шмат хто ў свеце -- са спадзевам, што яна прынясе ўдачу. Кіраўніцтву Беларусі гэты дзень прынёс не найлепшыя навіны. Айчынны Белстат канстатаваў новы рэкорд інфляцыі. Міжнароднае агенцтва "Moody's" пацвердзіла свой негатыўны прагноз для банкаўскай сістэмы нашай краіны. Дзмітрый Мядзведзеў згадаў Беларусь як прыклад кепскай эканамічнай палітыкі ды адсутнасці рэформаў. На гэтым тле Аляксандр Лукашэнка прызначыў на пасаду намесніка кіраўніка сваёй Адміністрацыі Андрэя Тура. Эксперты кажуць -- дзеля таго, каб рэформаў і не было.