Аляксееў

Памёр хакеіст, які ацалеў у авіякатастрофе панядзелак, 12 верасня 2011 Другога ацалелага - бортінжынера - перавялі ў звычайную палату. Ягонае жыццё - па-за небяспекаю. Хакеіст яраслаўскага "Лакаматыву" Аляксандр Галімаў выжыў пасля катастрофы самалёта Як-42 7 верасня ля Яраслаўлю, але памёр у панядзелак, 12 верасня, у маскоўскім НДІ імя Вішнеўскага. Лекары змагаліся за жыццё Галімава пяць дзён. У выніку катастрофы ён атрымаў да 90 % апёкаў цела. "Раніцаю 12 верасня, нягледзячы на тэрапію з выкарыстаннем усіх магчымых сучасных метадаў лячэння, у апёкавым цэнтры Інстытуту хірургіі імя А. Вішнеўскага памёр Аляксандр Галімаў ад апёкаў, не сумяшчальных з жыццём", -- цытуе паведамленне адміністрацыі НДІ Вішнеўскага агенцтва "Интерфакс-Запад". Такім чынам, колькасць ахвяраў авіякатастрофы павялічылася да 44 чалавек. У маскоўскім інстытуце імя Скліфасоўскага застаецца бортінжынер экіпажу Як-42 Аляксандр Сізоў. Яго перавялі з рэанімацыі ў звычайную палату, паколькі, паводле медыкаў, ягонаму жыццю нішто не пагражае. На мінулым тыдні Сізову прааперавалі сцягно. Самалёт Як-42 разбіўся 7 верасня за кіламетр ад аэрапорту "Туношна" ў Яраслаўскай вобласці, на борце былі гульцы хакейнай каманды "Лакаматыў" (Яраслаўль), якiя накiроўвалiся на матч у Менск. Сярод загінулых -- беларусы Руслан Салей, Сяргей Астапчук і Мікалай Крываносаў. Паводле факту авіякатастрофы распачатая крымінальная справа -- арт. 263 КК РФ (парушэнне правілаў бяспекі руху паветранага транспарту). У якасці прыярытэтных <b>...</b>