Апошнія старонкі справы

Гэтыя кадры не пакідалі сумневу, што менавіта так і выглядаў менскі тэракт. На гэтым абвінаваўцы будавалі доказную базу. Аднак на другі ды апошні дзень судовых спрэчак адвакат Кавалёва заявіў, што відэа -- падробка. З тым, што невядома, адкуль яно і як зрабленае, пагаджаюцца і назіральнікі за працэсам. ЛЮДМІЛА ГРАЗНОВА, ПРАВААБАРОНЦА: "Як мы сёння пераканаліся, з дапамогаю тэхнічных сродкаў, з дапамогай мантажу, з дапамогаю выманняў, выключэнняў, кампанавання можна любога чалавека абвінаваціць у любым злачынстве і падвесці пад расстрэл". Другім важкім аспектам у доказнай базе былі паказанні абвінавачаных. Аднак і іх адвакат Канавалава ставіць пад сумнеў. Бо мяркуе, што прызнанні былі атрыманыя з парушэннем закону, пад ціскам. А ў эпізодах, датычных выбуху ў Віцебску ў 2005 годзе, і ў 9 эпізодах злоснага хуліганства здарэнні дакладна не зафіксаваныя, тэрмін іх часта ня вызначаны, паказанні сведак блытаныя. НАТАЛЛЯ ПАХОДНЯ, НАЗІРАЛЬНІЦА ЗА ПРАЦЭСАМ: "Усё на здагадках пабудаванае, пачынаючы з першага дня, як 15 верасня пачаўся суд. Першае, што зачытаў пракурор: адным летнім днём Канавалаў набыў на адным з рынкаў Беларусі ў невядомых выбуховую прыладу, зрабіў бомбу. То бок зразумела, што аніякіх фактаў няма". Як няма і адказу на галоўнае пытанне: навошта "моцнаму сераднячку" Канавалаву, як яго назваў пракурор, было ўзрываць метро. ВАЛЕР ШЧУКІН, ПРАВААБАРОНЦА: "Быў ён там, не быў, хутчэй за ўсё быў. Але што гэта ён націскаў гэтую кнопку, можа, нават штосьці і рабіў, бог яго <b>...</b>