Памяці герояў

Заўтра беларускія патрыёты адзначаюць Дзень Герояў -- неафіцыйнае нацыянальнае свята ў гонар Слуцкага збройнага чыну, змагання за незалежнасць Беларускай Народнай Рэспублікі. Слуцкае паўстанне найлепшым чынам выявіла нацыянальныя каштоўнасці беларусаў ды іхную прагу да свабоды і незалежнасці. З нагоды памятнай даты да ўсіх беларусаў свету звярнулася старшыня Рады БНР Івонка Сурвіла.