Хочам рэферэндум!

Тыя, хто адстойвае Севастопальскі парк, хочуць элементарнага: чыстага паветра і чыстай вады. Аднак артэзіянскія свідравіны, якія месцяцца ў парку, ужо запламбавалі, што будзе з насаджэннямі -- не вядома: НАТАЛЛЯ ЯНЧУРЭВІЧ, МЯСЦОВАЯ ЖЫХАРКА: «Інфармацыя разнастайная такая, ад розных крыніцаў яна розная, на сённяшні момант мы мяркуем, што тут плануюць будаваць жылыя комплексы». Звароты ў дзяржаўныя ўстановы не далі плёну. Апошняя надзея паўплываць на лёс парку -- мясцовы рэферэндум. Для таго каб сфармаваць ініцыятыўную групу, жыхары раёну і сабрАліся ў нядзелю. Першамайскі РАУС палічыў гэта несанкцыянаванаю масавай акцыяй. Адзін з ініцыятараў, Валер Янчурэвіч, атрымаў папярэджанне. Аднак актывіст перакананы, што здолее сфармаваць ініцыятыўную групу і сабраць неабходную колькасць подпісаў. Аліна Радачынская, «Аб'ектыў»