Вываз паліва абмежавалі

Сёння ўпершыню за доўгі час на некаторых памежных пунктах чэргаў не было. Цяпер выязджаць за мяжу на ўласным аўце можна толькі раз на восем дзён, а не раз на пяць, як некалькі апошніх месяцаў. На гэтую захаду ўрад пайшоў, каб скараціць некантраляваны вываз адносна таннага беларускага паліва ў суседнія краіны. Аднак апытаныя «Аб'ектывам» кажуць, што новыя правілы прынясуць не толькі выгоду. КІРОЎЦЫ: «Гэта проста хочуць спыніць, як я разумею, даход з-за мяжы, бо сваіх людзей няма ў Беларусі працаваць...» «Няма сэнсу, гэта, мне падаецца, лішняе». ПРАЦАЎНІЦА СТРАХАВОЙ ФІРМЫ: «Няма кліентаў, і дзяржава губляе шмат валюты. На месяц зялёная карта каштуе 50 еўраў, на 15 дзён -- 30 еўраў, а цяпер нікога няма. Гэта чарговыя страты валютныя». Акрамя больш суворых абмежаванняў пры выездзе новаўвядзенні ў пастанове Савету Міністраў № 753 таксама прадугледжваюць узмоцнены кантроль на памежжы. Адгэтуль сачыць будуць як за кіроўцамі, так і за самімі аўтамабілямі, што выязджаюць за мяжу. Мар'яна Чарняева, «Аб'ектыў»