Крэдытныя чаканні

Расейскі "Сбербанк" гатовы даць беларускаму боку новы крэдыт. Як і іншыя паслявыбарчыя крэдыты Менску, новая пазыка афіцыйна ідзе "Беларуськалію". Аднак зразумела, што сапраўдны атрымальнік сродкаў -- урад Беларусі, які ўжо заявіў пра новы крэдыт як пра вырашаную справу. Афіцыйны расейскі бок пакуль сітуацыі не каментуе. Але аналітыкі схіляюцца да меркавання: грошы дадуць. ПАВЕЛ ЕМЯЛЬЯНЦАЎ, ФІНАНСАВЫ АНАЛІТЫК, МАСКВА: «Я мяркую, тут трэба глядзець не на сам "Беларуськалій", не на эканамічныя наступствы гэтага крэдыту, а хутчэй тут грае ролю палітыка». Цікава, што яшчэ паўтара месяца таму на найвышэйшым узроўні абмяркоўваўся крэдыт з боку расейска-нямецкага тандэму "Сбербанк"--"Deutsche Bank" на 2 мільярды долараў пад залог 35 % акцыяў "Беларуськалію". Аднак у выніку Менск атрымае ўдвая менш. Крэдыторам жа будзе толькі расейскі бок. СЯРГЕЙ РУМАС, НАМЕСНІК ПРЭМ'ЕР-МІНІСТРА РБ: «Дзеля стабілізацыі сітуацыі на ўнутраным валютным рынку дасягнутае пагадненне з «Сбербанкам» Расеі аб прыцягненні адкрытым акцыянерным таварыствам «Беларуськалій» крэдытных рэсурсаў на $ 1 млрд». Аналітыкі кажуць, што Масква чарговы раз гатовая рызыкнуць уласнымі актывамі ды інвеставаць у беларускую эканоміку дзеля ўмацавання сваіх пазіцыяў на беларускім рынку. Грошы вылучаць без закладу акцыяў "Беларуськалію". ЛЕАНІД ЗЛОТНІКАЎ, ЭКАНАМІСТ: "У аснове крэдыту памерам 1 млрд долараў "Сбербанкам" ляжыць жаданне Расеі не даць разваліцца беларускай эканоміцы і не даць празаходнім сілам усталяваць уласную <b>...</b>