Жырыноўскі сумняецца

У часе выбарчай напружанасці ў Расеі суседнія палітыкі, аднак, паспяваюць каментаваць і падзеі ў нашай краіне. Уладзімір Жырыноўскі не верыць у вінаватасць Канавалава і Кавалёва. Пра гэта лідар ліберал-дэмакратаў Расеі заявіў на прэс-канферэнцыі ў Маскве. На думку расейскага палітыка, у Дзмітрыя Канавалава і Уладзіслава Кавалёва не было аніякіх матываў для тэракту. Лідар ЛДПР лічыць, што выбух у менскім метро маглі здзейсніць толькі сапраўдныя тэрарысты, а не два хлопцы -- "слесар і электрык". Уладзімір Жырыноўскі прывёў як прыклад Расею, дзе скасаванае смяротнае пакаранне, бо заўсёды застаецца імавернасць судовай памылкі, якой пасля здзяйснення прысуду ўжо не выправіць. Вольга Старасціна, «Аб'ектыў»