Расейскае абуджэнне

Масква... Санкт-Пецярбург... Растоў... У гэтых гарадах прайшлі масавыя акцыі пратэсту. Усюды былі масавыя затрыманні. ЮЛІЙ РЫБАКОЎ, БЫЛЫ ДЭПУТАТ ДЗЯРЖДУМЫ: "Баюся, што ў далейшым усё гэта скончыцца рэвалюцыяй, а нам бы вельмі гэтага не хацелася. Рэвалюцыяў ужо дастаткова было ў Расеі. Але ўлада, як і ў 1917 г., робіць усё для таго, каб рэвалюцыя ўсё ж адбылася". На расейскіх вуліцах тысячы, якія называюць партыю ўлады -- партыяй злодзеяў і махляроў. Лідар гэтай партыі дэманструе спакой. УЛАДЗІМІР ПУЦІН, ПРЭМ'ЕР-МІНІСТР РАСЕІ: "Узгадайце ў савецкія часы, хто тады быў пры ўладзе. Іх усіх называлі злодзеямі ды карупцыянерамі, а ў 90-я гг. тое ж самае. Гэта штамп не канкрэтнае палітычнае сілы. Гэта штамп улады. Але важна, наколькі дзейная ўлада гатовая змагацца з гэтымі негатыўнымі з'явамі". А ўлада паказвае, што змагацца гатовая. Сёння Уладзімір Пуцін падаў дакументы ў Цэнтрвыбаркам дзеля рэгістрацыі ў якасці кандыдата на прэзідэнта. Што да міжнароднай крытыкі фальсіфікацыяў і адсутнасці раўнапраўя на думскіх выбарах, расейскія ўлады адказалі востра. ДЗМІТРЫЙ МЯДЗВЕДЗЕЎ, ПРЭЗІДЭНТ РАСЕІ: "Пытанне пра тое, як выглядае палітычная сістэма, -- гэта не іхная справа. Хутка нам будуць казаць, як Канстытуцыю пісаць трэба". Пры гэтым ў дзяржаўных расейскіх медыях інфармацыя пра пратэсты і сотні затрыманых адцэнзураваная. У сувязі з гэтым да журналістаў звярнуўся палітычны аглядальнік "Коммерсантъ FM" Станіслаў Кучар. СТАНІСЛАЎ КУЧАР, «КОММЕРСАНТЪ FM»: "Вы хаваеце ад мільёнаў людзей <b>...</b>