Эканамічныя супярэчнасці

Утрая вышэйшы заробак і "Мэрсэдэсы" ў карыстанне. Такія змены чакаюць працаўнікоў "Белтрансгазу", які на мінулым тыдні перайшоў ва ўласнасць "Газпрому". Старшыня "Газпрому" Аляксей Мілер, які прыехаў з працоўным візітам у Менск, агучыў і іншыя планаваныя рэформы на "Белтрансгазе". Сярод іх -- пабудова новага офісу прадпрыемства з прылеглым да яго спартовым комплексам, а таксама змена назвы "Белтрансгаз" на "Газпром-Трансгаз Беларусь". Тым часам іншае беларускае прадпрыемства пакуль толькі шукае пакупнікоў. Аляксандр Лукашэнка чарговы раз нагадаў кошт "Беларуськалію" -- гэта $ 30 млрд. АЛЯКСАНДР ЛУКАШЭНКА, ПРЭЗІДЭНТ БЕЛАРУСІ: "Калі хтосьці пачынае вішчэць, што гэта вельмі высокі кошт, ніхто ў беларусаў не набудзе за такі кошт "Беларуськалій", то і не трэба". Таксама Аляксандр Лукашэнка заявіў, што прыватызоўваць адно з галоўных прадпрыемстваў краіны ён не спяшаецца. У той жа час віцэ-прэм'ер Беларусі Сяргей Румас заявіў, што ўжо неўзабаве ўрад збіраецца засяродзіцца на рэфармаванні дзяржаўнага сектару ў галіне ўласнасці. Румас акрэсліў прыватызацыю як новы кірунак для працы ўраду ды адзначыў, што замежных крэдытаў Менск больш прыцягваць не будзе. Паводле ягоных словаў, золатавалютнага фонду Беларусі, які да канца года плануецца нарасціць да $ 7,6 млрд, хопіць, каб існаваць без фінансавання звонку. Апроч таго, віцэ-прэм'ер заявіў, што ў наступным годзе плануецца эмісія 7 трлн руб., і гэтая сума пераглядацца не будзе. Таму ўрад чакае, што ў 2012 г. інфляцыя не перавысіць 19 <b>...</b>