Усім па мільёну!

З 1 студзеня амаль усе дарослыя беларусы стануць мільянерамі. Менавіта 1 млн руб., згодна з пастановаю Савету Міністраў, мае складаць мінімальная заработная плата. Гэта на 80 000 руб. больш за "мінімалку" ў лістападзе. Таксама ўрад плануе павысіць тарыфную стаўку першага разраду да 200 000 руб., а "мінімалку" за гадзіну працы -- амаль да 6000 руб., ці каля 80 цэнтаў ЗША. Хоць яшчэ ўлетку ўрад адмаўляў магчымасць павышэння тарыфнай стаўкі, а таксама павелічэння "мінімалкі". У бюджэце на наступны ж год закладаецца рэальны рост заробку на ўзроўні 3 %. Алесь Залеўскі, "Аб'ектыў"