Капітальная амністыя...

Вывесці з ценю даходы, падаткі за якія не заплачаныя. А таксама прыцягнуць сродкі, што грамадзяне трымаюць на замежных рахунках, у айчынную эканоміку. Такі эфект мусіць выклікаць амністыя капіталу. АЛЯКСАНДР СІНКЕВІЧ, ЭКАНАМІСТ: "Яна скіраваная на тое, каб прыцягнуць інвестыцыі ў эканоміку Беларусі ад унутраных інвестараў, каб яны пачалі працаваць "па-беламу" і плаціць падаткі". І папярэдняе рашэнне пра амністыю капіталу ўлады Беларусі, хутчэй за ўсё, ужо прынялі. Паводле звестак Рэспубліканскай канфедэрацыі прадпрымальніцтва, якія агучыў яе прадстаўнік Ігар Леднік, старшыня Нацбанку Надзея Ермакова пераконвала прэм'ер-міністра Міхаіла Мясніковіча ў неабходнасці амніставаць капітал яшчэ ў верасні. Эканамісты пацвярджаюць: такая захада, што сведчыць пра надзвычайную сітуацыю ў эканоміцы, вельмі імаверная. АНТОН БОЛТАЧКА, ЭКАНАМІСТ: "У нас радыкальна не хапае грошай у краіне. Вялізная пазыка, адток капіталаў з беларускіх банкаў, сітуацыя макраэканамічная не дазваляе крэдытаваць эканоміку і тым самым забяспечваць рост ВУП. Цяпер неабходна шукаць грошы з іншых крыніцаў". Аднак асобным людзям у такой сітуацыі наўрад ці захочацца вяртаць грошы ў краіну. Хутчэй, наадварот. АЛЯКСАНДР СІНКЕВІЧ, ЭКАНАМІСТ: "Вельмі шмат людзей вывозяць грошы, вываз капіталу прыспешыўся сёлета. Паводле папярэдніх разлікаў, вываз капіталу ў гэтым годзе сягне мільярду долараў". Аб'ём "шэрых" схемаў у эканоміцы Беларусі эксперты ацэньваюць нават на 60 %. Існуюць яны і ва ўсім свеце. Таму на Захадзе <b>...</b>