Гадавіна плошчы

Менск. Плошча Незалежнасці. Тут адбыліся падзеі, якія перадвызначылі лёс краіны і тысячаў людзей. Хтосьці трапіў за краты, хтосьці з'ехаў з краіны, ну а нехта атрымаў прэмію ці новыя пагоны. Што ж праз год засталося ў памяці менчукоў? АПЫТАННЕ, МЕНСК: "Народ выйшаў на плошчу выказаць сваю грамадзянскую пазіцыю". "Не памятаю". "Спрабавалі дзверы, шкло біць у Доме ўраду". "Людзі былі не задаволеныя гэтымі выбарамі, і яны выходзілі на вуліцы". Згодна з рознымі падлікамі, год таму на вуліцы сталіцы выйшлі ад трыццаці да сарака тысячаў "незадаволеных". Большасць з іх не былі звыклымі ўдзельнікамі апазіцыйных акцыяў. Проста абвешчаныя 19 снежня папярэднія вынікі выбараў шмат для каго сталіся мяжою. СЯРГЕЙ МАРЦАЛЕЎ, КІРАЎНІК ШТАБУ М. СТАТКЕВІЧА: "Людзі ўрэшце даходзяць да моманту, калі выходзяць сказаць "не" хлусні ды падману, нават тыя, што не цікавяцца палітыкаю". Але і сёння няма адказу на пытанне, хто праз паўгадзіны пасля пачатку мітынгу на плошчы Незалежнасці пачаў біць шкло і выбіваць дзверы літаральна нашпігаванага спецназам Дому ўраду. Якраз гэта сталася незваротным пунктам Плошчы-2010 і нагодаю для сілавога разгону мітынгу. Сем хвілінаў хапіла спецназу, каб "зачысціць" Плошчу. Сумны рэкорд: 639 затрыманых -- у тым ліку кандыдаты на прэзідэнта. Адказнасць за гэта ўзяў на сябе Аляксандр Лукашэнка. УЛАДЗІМІР МАЦКЕВІЧ, ПАЛІТОЛАГ: "Мы ўсе атрымалі паразу. Краіна адкінутая на шмат гадоў назад у выніку гэтых падзеяў". Што ж да апазіцыйных кандыдатаў на прэзідэнта, то прынамсі <b>...</b>