У сустрэчы адмовілі

Алесю Бяляцкаму не дазволяць сустрэцца з бацькам, які можа памерці. Вусную адмову з Дэпартаменту выканання пакаранняў МУС атрымала жонка праваабаронцы. Афіцыйны пісьмовы адказ мусяць даць цягам двух тыдняў. Старшыня праваабарончага цэнтру "Вясна" Алесь Бяляцкі асуджаны на 4 з паловаю гады пазбаўлення волі ў калоніі ўзмоцненага рэжыму. Днямі кіраўніцтва Жодзінскай калоніі № 8, дзе трымаюць праваабаронцу, заявіла, што гатовае адпусціць яго на сустрэчу з бацькам, але перашкаджаюць працэдуры, паводле якіх асуджанага мусяць канваяваць. Не дапамог і адмысловы дазвол суда, бо складзены быў без удакладнення, хто мусіць забяспечыць канваяванне.