Дзяржаўныя кошты

Гэтыя б праблемы беларусам. Кошты на малако зашкальваюць. І каб купіць яго танней, у крамах непасрэдна ад вытворцы даводзіцца стаяць у чарзе нават ад чацвёртай раніцы. Часам -- пад дажджом. КАРЭСПАНДЭНТКА: "Вы задаволеныя, што а 4-й раніцы падняліся?" СПАЖЫЎЦЫ: "Задаволеныя. Я хачу добрага, якаснага, смачнага малака -- а не купляць памыі ў краме". Але прычына не толькі ў гэтым. Дый "задаволеныя" не ўсе. Калі ў чарзе даведваюцца, што мы не з дзяржаўнага тэлебачання, размаўляюць ахвотней. СПАЖЫЎЦЫ: "Нас тут, бачыце, колькі -- трыста чалавек стаіць". "Тут 1400 рублёў, а там -- 4600. Розніца ж ёсць для пенсіянераў. Катуюць людзей, с..." "А якія ў старых пенсіі? У мяне 500 000 рублёў было калісь. З надбаўкамі цяпер 712 000". Дзяржава нібыта да людзей прыслухалася і цяпер будзе кантраляваць кошты на малако і малочныя прадукты. Аднак праз даванне адным будуць рабавацца іншыя. СЯРГЕЙ БАЛЫКІН, ЭКАНАМІСТ: "Усталяванне нізкіх коштаў наўпрост б'е па сельгасвытворцы. Ён не можа працаваць рэнтабельна. Ён вымушаны працаваць з планавымі нейкімі стратамі". І хоць кантраляванне коштаў не прывядзе да спынення вытворчасці, гэта можа адмоўна паўплываць на якасць прадукцыі, прывесці да стратнасці ды пазбавіць магчымасці рабіць зніжкі прадаўцамі -- зазначаюць адмыслоўцы. Да таго ж, з'яўляецца іншая праблема. У адзінай мытнай прасторы з Расеяй і Казахстанам кошты на сельгаспрадукты ў Беларусі найніжэйшыя. ВІКТАР МАРГЕЛАЎ, МЕНСКІ САЮЗ ПРАДПРЫМАЛЬНІКАЎ: "З'едзе мяса, якое мела беларусам <b>...</b>