Кавалёў чытае пратаколы суда

Уладзіслаў Кавалёў, асуджаны да смяротнага пакарання за тэрарызм, распачаў знаёмства з пратаколамі судовых паседжанняў. Праз два тыдні, калі завершыцца гэта працэдура, могуць быць падрыхтаваныя заўвагі ў Вярхоўны суд -- кажа адвакат Станіслаў Абразей. Асуджаныя да смяротнага пакарання за выбух ў менскім метро 11 красавіка мінулага года Уладзіслаў Канавалаў і Дзмітрый Кавалёў утрымліваюцца ў следчым ізалятары КДБ. Апошні пасля вынясення прысуду звярнуўся да Аляксандра Лукашэнкі з просьбай аб памілаванні. Адметна, што працэс над меркаванымі тэрарыстамі не пераканаў беларускае грамадства ў слушнасці рашэння суда. Пра гэта сведчаць вынікі снежаньскага апытання Незалежнага інстытуту сацыяльна-эканамічных ды палітычных даследаванняў. 43,4 % рэспандэнтаў заявілі, што не вераць у вінаватасць Канавалава і Кавалёва. Лічаць асуджаных сапраўднымі злачынцамі 37 % апытаных. Каля 20 % не вызначыліся з адказам. Сяргей Скулавец, «Аб'ектыў»