Гістарычны максімум

Аб'ём золатавалютных рэзерваў нашай краіны на 1 студзеня гэтага года дасягнуў гістарычнага максімуму. Паводле Нацыянальнага банку, ён склаў амаль $ 8 млрд. Прырост рэзерву абумоўлены паступленнем крэдыту ад Антыкрызіснага фонду ЕўрАзЭС, а таксама залічэннем у склад рэзерваў часткі крэдыту "Сбербанку" Расеі. Колькасць золатавалютных рэзерваў дастатковая, каб пакрыць амаль двухмесячны імпарт. Паводле рапарту чыноўнікаў Нацыянальнага банку, існыя рэзервы цалкам гарантуюць эканамічную бяспеку краіны. Але паводле міжнародных экспертаў, бяспечным лічыцца такі ўзровень ЗВР, калі яны роўныя трохмесячнаму імпарту. У першай палове 2011 г. рэзервы Беларусі рэзка скараціліся на фоне валютнага крызісу. Напрыклад, на 1 красавіка рэзервы склалі каля $ 4 млрд. Цяпер рэзервы, якімі валодае Беларусь, -- самыя вялікія ў яе гісторыі. Сяргей Скулавец, "Аб'ектыў"