Беларускія мульты?

Восьмая серыя "Несцеркі" пра тое, як легендарны свавольнік нявесту сабе шукаў, завершыць мультсерыял, але стане далёка не апошняю сёлета анімацыйнаю прэм'ераю кінастудыі "Беларусьфільм". Вось толькі айчынны глядач часта і пра ранейшыя не чуў. ГЛЕДАЧЫ: "Вы прыкалваецеся. Не ведаю беларускіх мультфільмаў увогуле". "Шчыра кажучы, нічога не ведаю. Неяк не трапляла не беларускія мультфільмы". "Беларусьфільм" у нас робіць такі нібы серыял, у некалькіх частках, "Несцерка". Гэта тое, што ў Беларусі робіцца, а так асабліва нічога невядома". Пазнаёміць гарадзенцаў прынамсі са сваімі анімацыйнымі працамі вырашыў цяпер ужо былы гарадзенец Генадзь Буто. Малады мастак працуе ў вядомай сваімі поўнаметражнымі стужкамі піцерскай студыі "Мельница", дзе ён не адзіны беларускі аніматар. ГЕНАДЗЬ БУТО, АНІМАТАР: "З'язджаюць хіба, бо і ў іншых галінах з'язджаюць. Няма запатрабавання ў анімацыі, няма праектаў, якія б нармальна аплочваліся, а калі канкрэтна казаць, то аніматарам мала грошай плоцяць". Паспрачацца з гэтым гатовыя на "Беларусьфільме". Сцэнарыст і рэжысёр Аляксандр Ленкін, адзін са стваральнікаў серыі мультфільмаў "Аповесць мінулых гадоў", працуе на кінастудыі амаль 30 гадоў. АЛЯКСАНДР ЛЕНКІН, РЭЖЫСЁР, СЦЭНАРЫСТ: "Стан у беларускай анімацыі працоўны. Бо ёсць у нас і фінансаванне, ёсць праекты, цікавыя праекты, на мой погляд". Непрыемнаю загадкай, аднак, і для саміх мультыплікатараў застаецца тое, чаму іхную творчасць зусім не ведаюць у нашай краіне. АЛЯКСАНДР ЛЕНКІН, РЭЖЫСЁР <b>...</b>