Расея: у мітынгу пратэсту ўзяў удзел "чараўнік" з ЦВК

belsat.eu Адзін з удзельнікаў мітынгу пераапрануўся ў строй чараўніка ды меў прыклееную бараду. Фактычна гэта была пародыя на старшыню расейскага Цэнтрвыбаркаму Уладзіміра Чурава. Пасля называння вынікаў апошніх парламенцкіх выбараў, паводле якіх перамагла пракрамлёўская партыя "Единая Россия", Дзмітрый Мядзведзеў назваў Чурава "чараўніком", на што той адказаў: "Я пакуль вучуся". Паводле расейскай апазіцыі, падчас выбараў адбываліся масавыя фальсіфікацыі. Апаненты Крамля ўпэўненыя, што вынікі прэзідэнцкіх выбараў спрабуюць фальсіфікаваць на карысць цяперашняга прэм'ера Расеі, кандыдата на прэзідэнцтва Уладзіміра Пуціна.