20 год Рэспубліцы Беларусь

231 чалавек -- абсалютная большасць дэпутатаў Вярхоўнага Савету 12 склікання дваццаць гадоў таму прагаласавлі за вяртанне нацыянальных сімвалаў на дзяржаўны ўзровень. ЮРЫЙ БЕЛЕНЬКІ, ДЭПУТАТ ВС БССР ХІІ СКЛІКАННЯ: Была цяжкая работа, каб пераканаць камуністычную большасць, што гэта неабходна для нашай гісторыі, для нашага народа, для нашай перспектывы. У Авальную Залю Вярхоўнага Савету дзе прымалася гістарычнае рашэнне, нацыянальны сцяг уносіла Галіна Сямдзянава. Якая па трагічнаму збегу абставінаў сыйшла з жыцця акурат напярэдадні дваццацігоддзя сімвалаў Незалежнасці. Такой яна назаўжды застанецца ў памяці не толькі калегаў дэпутатаў і палітычных дзеячоў пачатку 90-х ВАЛЯНЦІН ГОЛУБЕЎ, ДЭПУТАТ ВС БССР ХІІ СКЛІКАННЯ Яна прынесла свой асабісты сцяг і яе асабісты сцяг быў вывешаны ў залі ВС. Яна не здавалася, яна вельмі хацела жыць у свабоднай, незалежнай, дэмакратычнай Беларусі. Аднак у 95-м годзе прайшоў ініцыяваны прэзідэнтам рэферэндум, у выніку якога адбылася чарговая змена сімвалаў. Савецкія ўзоры вярнуліся. І ўжо сёння пытанне пра вяртанне нацыянальных сцяга і герба на палітычную сцэну, выклікае з боку насельніцтва пытанні ў адказ. ЖЫХАРЫ МЕНСКУ: - А гэта істотна? Тое, што ўжо зроблена, напэўна лепш не мяняць - Мне ўсё роўна які будзе сцяг, абы было ціха, больш мне нічога не трэба... А сцяг які будзе, ну якая розніца. - Мне ўсё роўна, можна было б назад вярнуць, але што ёсць то ёсць. Што праўда сустракаюцца і іншыя меркаванні: - Прыгожы герб, прыгожы сцяг -- гэта нашая <b>...</b>