Банкір Кацарэнка -- пад вартаю

А пачынаем выданне з гучнага арышту. Працаўнікі следчага камітэту Менску затрымалі старшыню назіральнай рады "Тэхнабанку", намесніка старшыні Ліберальна-дэмакратычнай партыі Уладзіслава Кацарэнку. Абвінавачанні -- суўдзел у злачынстве ды спрыянне ва ўхіленні ад выплаты падаткаў. Чаму ў Беларусі рызыкоўна быць і бізнесоўцам, і палітыкам? Падобныя абвінавачванні, праўда, у абкраданні ўласнай фірмы, ужо калісь чуў бізнесовец і колішні апазіцыйны дэпутат у Вярхоўным Савеце Андрэй Клімаў. У справе затрымання Кацарэнкі ён бачыць таксама палітычны кантэкст, але зусім іншы.