Мадэмуазелі -- не!

Мадэмуазеляў у Францыі больш няма. Прынамсі, само гэтае слова, якое азначае незамужнюю жанчыну, назаўжды знікне з усіх афіцыйных дакументаў. Пасля доўгай барацьбы гэтага дамагліся тамтэйшыя феміністкі. Чаму ж прыняты стагоддзямі маўленчы этыкет вырашылі памяняць? Ласкаваму слову "мадэмуазель", якое аздобіла цэлы шэраг шэдэўраў літаратурнай і музычнай класікі, смяротны прысуд падпісалі вось у гэтым будынку на вуліцы Дэ Варэн у цэнтры Парыжу, у рэзідэнцыі прэм'ер-міністра Франсўа Фіёна. Цяпер у Францыі ўсе жанчыны будуць "мадам". Дарэчы, розніца паміж гэтымі двума словамі, як мяркуюць мясцовыя лінгвісты, істотная.