Судовы канвеер

З цацкамі-пратэстоўцамі органы правапарадку разабраліся даволі хутка, а вось арганізатара цацачнага мітынгу чарговы раз судзяць. І чарговы раз суд адкладае прынЯцце рашэння. На фоне гэтага ўсё ж асудзілі маладафронтаўцаў. І не на 15 дзён адміністратыўнага арышту, а на 18. Цацкі, якія пратэставалі нядаўна ў цэнтры Менску, былі імгненна «затрыманыя», а пазней знайшліся «павешанымі» побач з адным з дамоў на Лагойскім тракце. З Паўлам Вінаградавым, актывістам кампаніі «Гавары праўду!», моладзевае крыло якой правяло акцыю «Игрушко митингуэ!», улады пакуль не ведаюць, што рабіць. Судовае паседжанне перанеслі чарговы раз.