Ягораў: Здзекі з палітвязняў -- ганьба для беларусаў

«Такія выпадкі -- яны часта робяцца моцным стымулам, каб падштурхнуць людзей да аб'яднання. Гэтак адбывалася ў Румыніі напрыканцы 1980-х гадоў, падобнае паўплывала на польскую сітуацыю і гэтак далей, -- гаворыць палітолаг Андрэй Ягораў. -- Але тэракт, які адбыўся ў красавіку 2011 года, калі загінула шмат людзей, не быў у стане паўплываць на аб'яднанне нацыі. У якім жа маральным стане цяпер беларусы, калі нават гэтая драматычная падзея не аб'яднала нас, а зноў раз'яднала? Мне падаецца, што смерць Каваленкі можа не зрабіцца фактарам для таго, каб нам злучыцца і каб змяніць сітуацыю. І вось гэта -- самае жудаснае».