Даўжнікам - вайна

Улады абяцаюць сур'ёзна ўзяцца за няплатнікаў штрафаў ды аліментаў. З наступнага панядзелка за нявыплачаныя дзяржаве даўгі будуць забіраць... кіроўчыя правы. Але ці законны гэткі спосаб дысцыплінавання даўжнікоў? 55,5 млрд рублёў запланавана ў бюджэце нашае краіны на 2012 г. у якасці паступленняў... ад штрафаў. Каб выканаць такі план, узмацняюцца і метады ўздзеяння на няплатнікаў. Ужо ад панядзелка караю за неаплачаны штраф можа стацца пазбаўленне правоў кіроўцы. Цягам года ў краіне фіксуецца каля 3 млн адміністрацыйных парушэнняў. Амаль за кожнае з іх прадугледжваецца штраф. Таму кіроўцы толькі дзівяцца дадатковаму новаўвядзенню.