Беларускі тыдзень у Вільні

Беларускі тыдзень, прысвечаны Беларускай Народнай Рэспубліцы, распачаўся ў Вільні. Беларускі тыдзень у Вільні -- імпрэза ўжо традыцыйная. Але ўпершыню яе ладзіць не пасольства краіны, а дэмакратычная супольнасць нашых суайчыннікаў у Літве. Завершыцца Тыдзень адзначэннем Дня Волі! Зацікаўленасць Беларуссю ў Літве апошнім часам не толькі не змяншаецца, а стала расце. На жаль, не ў малой ступені гэта абумоўлена пагаршэннем сітуацыі ў нашай краіне.