Пенсійная «рэформа»

Незадаволеных памерамі пенсіі ўлады заахвочваюць... працаваць. Але працуючы, атрымліваць пенсіі пенсіянеры не будуць. Дадатковыя гады працы прынясуць прыбытак толькі тады, калі пажылы чалавек канчаткова выйдзе на заслужаны адпачынак. Гэткія новаўвядзенні ўтрымлівае падпісаны Аляксандрам Лукашэнкам указ «Аб захадах удасканалення пенсійнага забеспячэння грамадзянаў». Даўжэй папрацуеш -- большую пенсію атрымаеш. Улады вырашылі заахвоціць працаўнікоў працаваць даўжэй, не павышаючы пенсійны ўзрост. Вось толькі паўнавартаснай пенсійнай рэформай гэтую захаду назваць ніяк нельга. Беларусь ужо каторы год стаіць на парозе пенсійнай рэформы, бо пенсіі традыцыйна малыя, а працоўных рук не хапае. Дык, можа, варта працаваць даўжэй?